Skip to main content

".... അപ്പോഴാ അതിന്റെ പുളി മനസിലായത് " ഒരു മെഴുകുതിരി നിർമാണ അപാരത...

 അങ്ങനെ ഇരുന്നപ്പോൾ ആണ്, എനിക്ക് candle മേക്കിങ് പഠിക്കണം എന്നൊരു ആഗ്രഹം.... എന്റെ അമ്മേടെ വാക്കുകളിൽ പറയുവാണേൽ - "തിന്നിട്ടു എല്ലിനിടയിൽ..... ഒന്നിലും ഉറച്ചു നിൽകത്തുമില്ല....."



അമ്മ അങ്ങനെ പലതും പറയും... ഇന്ന് ഞാൻ മരിച്ചു പോയാൽ ഈ ആഗ്രഹങ്ങൾ ഒക്കെ സാധിക്കാതെ ആണല്ലോ പോയത് എന്നൊരു വിഷമം ഉണ്ടാവരുത്, യേത് ?....പെട്ടെന്ന് തന്നെ നമ്മുടെ ഗുരു- യൂട്യൂബിന്റെ ആഴങ്ങളിൽ മുങ്ങി തപ്പി...

മലയാളത്തിലും, ഹിന്ദിയിലും, ഇംഗ്ലീഷിലും, എന്തിനു ഭാഷ അറിയാത്ത വീഡിയോകൾ വരെ കണ്ടു... ഇനി പ്രാക്ടിക്കൽസ്....

വീട്ടിലെ പാത്രങ്ങളും, പൊട്ടിയ മെഴുകുതിരിയും ഒക്കെ മതി ഒന്ന് experiement ചെയ്യാൻ, എന്നാലും അതല്ലലോ... എങ്ങനെ ആണിതിന്റെ കിടപ്പുവശം അറിയണമല്ലോ.... (അല്ല കുറച്ചു കാശു കൊണ്ട് കളഞ്ഞില്ലേൽ ഒരു സമാധാനവും ഇല്ല....)

ചാലക്കകത്തു (i mean chala market), പണ്ട് തെണ്ടി തിരിഞ്ഞു നടന്നപ്പോൾ - സോപ്പ്, അകർബത്തി, candle മേക്കിങ്ങിന്റെ rawmaterials വിൽക്കുന്ന ഒരു wholesale ഷോപ്പ് കണ്ടുപിടിച്ചാരുന്നു... അവിടെ ഒന്ന് പോയി അന്വേഷിച്ചു....

1000 രൂപയ്ക്ക് സംഭവങ്ങൾ ഒപ്പിച്ചു പോരാമെന്നു കരുതിയ ഞാൻ വണ്ടർ അടിച്ചു പോയി... " മെഴുകുതിരി ഒരു ചെറിയ തിരി അല്ല ; I'm so expensive... you know?"

ഇതിന്റെ അച്ചിന് /അഥവാ mould നു 1500-2500 മുതലാണ് സ്റ്റാർട്ടിങ് rate. വേണ്ട വേണ്ട നമ്മുക്ക് സ്റ്റീൽ ഗ്ലാസും, അച്ചാർ കുപ്പിയും കൊണ്ട് ക്രീയേറ്റീവ് ആകാം...

പലതരം wax ഉണ്ടേലും ഞാൻ paraffin wax ആണ് വാങ്ങിയത്... ആമസോണിൽ കിലോയ്ക്ക് 250-350 രൂപ, ഇവിടെ കിലോയ്ക്ക് 150 രൂപ (മുദ്ര ശ്രദ്ധിക്കണം, മുദ്ര ), ഗവണ്മെന്റ് സബ്‌സിഡി ഉണ്ടേൽ ഇനിയും കുറയും...

മണം വേണമെങ്കിൽ, essential ഓയിൽസ് വാങ്ങണം... ആമസോണിൽ കഴുത്തറക്കുന്ന വില... അതുവെച്ചു നോക്കുമ്പോൾ ഇവിടെ ഭേദം... 100ml നു 120 രൂപ. ഇതിൽ കളർ വേണമെങ്കിൽ ഡൈ വാങ്ങണം... ഞാൻ crayons വെച്ച് അഡ്ജസ്റ്റ് ചെയ്യാം എന്ന് കരുതി, അത് വാങ്ങിയില്ല...അല്ലേലും കൂടുതൽ ഡെക്കറേർഷൻസ് ഒന്നും വേണ്ട... ഒരു ട്രയൽ അല്ലെ...?

വീട്ടിൽ വന്നു പണി തുടങ്ങി... രണ്ടു കുഞ്ഞു മെഴുകുതിരി ഉണ്ടാക്കിയപ്പോൾ തന്നെ വൃത്തിയാക്കിയിട്ടിരുന്ന പാതകവും തറയും എല്ലാം മെഴുകു തെറിച്ചു വീണു, കുറച്ചു കയ്യേലും വീണു .. പിന്നെ കുത്തിയിരുന്ന് അതെല്ലാം ക്ലീൻ ആക്കി, സംഭവം റെഡി ആക്കി... മെഴുകുരുക്കിയ പാത്രം ഇനിയെങ്ങനെ ശെരിയാക്കും എന്നതു മറ്റൊരു കാര്യം....

പണി പഠിച്ചു വരുന്നതല്ലേ ഉള്ളു... സംഭവം കൊള്ളാം... പുതിയ ഐഡിയകളുമായി ഒരു വരവ് കൂടി വരേണ്ടി വരും...

ആ പിന്നെ എന്റെ പോലെ വട്ടുള്ളവർക്ക് വേണ്ടി... ആ wholesale ഷോപ്പിന്റെ address ഇതാണ്...

Hazeena Chemicals, Vrindavan gardens, behind the theatre, Chalai Market.
Trivandrum.

https://g.co/kgs/FtuSNi

ചോദിക്കും എന്നറിയാം, അതിനു മുന്നേ പറയുന്നതാണല്ലോ അതിന്റെ ഒരു ഇത്...

എന്റെ ട്രയൽ എങ്ങനെ ഉണ്ട്...? മേക്കപ്പ് കുറച്ചു കൂടി പോയി... അടുത്ത തവണ കറയോൺസ് കുറച്ചിടാം...

അപ്പോ വീണ്ടും കാണാം,
Deepa John
16-Dec-2021

Comments

  1. E vattu enikumullada...epo Oru break eterukkuva.....allelum nammade agrahangalokke pine nammalallade vere aarum pariposhipikaan varillalo...prathyekich emmathiri vatu kesamubol...nammaluthanne angu engrg cheydekkanam Alla pinne

    ReplyDelete
  2. അങ്ങനെ ഇരിക്കുമ്പോൾ എനിക്ക്കുമുണ്ട് ഈ അസുഖം.... കുറച്ചു ക്യാഷ് കളഞ്ഞില്ലെങ്കിൽ ഒരു സമാധാനം ഇല്ലാത്ത അവസ്ഥ..... പിന്നെ ഒരു സങ്കടം ആണ്.... പിന്നെ വിചാരിക്ക്കും... അവർക്കും ജീവിക്കണ്ടേ.... എന്നോർത്തങ്ങു സമാധാനിക്ക്കും 😄😄😄

    ReplyDelete

Post a Comment

Popular posts from this blog

എന്റെ ഒരു ചിന്ന transformation story

എന്റെ ശരീരഭാരം, കഴിഞ്ഞ ഒരു ആറു വർഷ കാലമായി 95-98 kg ആണ്. ഷോപ്പിംഗ് മാളിലോ, പിക്നിക് നോ പോയാൽ അന്ന് വൈകിട്ടും പിന്നെയുള്ള രണ്ടു മൂന്നു ദിവസം ഞാൻ കിടപ്പായിരിക്കും, അത്രയ്ക്ക് ആരോഗ്യം ആണ്.... തലവേദന കൂടപ്പിറപ്പാണ്..., ഓർമ വെച്ച നാൾ മുതൽ crocin ഉം പാരസെറ്റമോൾ ഉം കഴിച്ചു തുടങ്ങിയതാ ഇപ്പോ അതിനൊന്നും effect ഇല്ല, മുട്ടായി കഴിക്കുന്ന പോലെ എന്നും കഴിക്കാം എന്ന് മാത്രം ... പത്താം ക്ലാസ്സ്‌ കഴിഞ്ഞപ്പോൾ അചാച്ചി എനിക്കൊരു ടുവീലർ വാങ്ങി തന്നു, പിന്നെ പാല് വാങ്ങാൻ പോകാനോ, അരി പൊടിപ്പിക്കാൻ പോകാനാണേൽ പോലും ഞാൻ അതിലെ പോകു... സ്റ്റെപ് മാക്സിമം ഒഴിവാക്കി, ലിഫ്റ്റ് നോക്കി നിന്ന് നിന്ന്,  മുട്ടൊന്നും അനക്കാൻ പറ്റാത്ത അവസ്ഥ ആയി.... അപ്പോ എന്റെ physical fitness നെ പറ്റി ഒരു ഏകദേശ ധാരണ മനസിലായല്ലോ... പിന്നെ ദേഹം മുഴുവൻ stiff ആയി, പണി കിട്ടുന്ന Fibromyalgia യും cervical spondylosis ഉം കൂടി diagnosis ചെയ്തു കിട്ടി ബോധിച്ചു കഴിഞ്ഞപ്പോൾ, എന്റെ mindset എനിക്കിനി ഒരിക്കലും ഒരു healthy state ഇലേക്ക് വരാൻ പറ്റില്ല എന്നതായിരുന്നു. പെട്ടെന്ന് ഒരു ആവേശത്തിന് dieting തുടങ്ങിയാലും ഏറിയാൽ 2-3ആഴ്ച, വീണ്ടും ഞാൻ പഴയ പടി ആകും.

ഹോട്ടൽ ആണെന്ന് കരുതി വീട്ടിൽ കയറിയ...

 കുറച്ചു ദിവസം മുൻപ് ഓപ്പൺ കിച്ചൻനെ പറ്റി  അഭിപ്രായം ചോദിച്ചു ഒരാൾ ഫേസ്ബുക്കിൽ പോസ്റ്റ്‌ ഇട്ടിരുന്നു.. അതിനു വന്ന മറുപടികൾ മിക്കതും.., ഗസ്റ്റിന് അടുക്കളയിലേ മണം അരോചകം ആവും, അത് കൊണ്ട്, പ്രത്യേകിച്ചും മലയാളികൾക്ക് ഓപ്പൺ കിച്ചൻ ശെരിയായ നടപടിയല്ല എന്നതാണ്... ശെരിയാണ്... ചിലർക്ക് ഓപ്പൺ കിച്ചൻ എന്ന കോൺസെപ്റ് ഇഷ്ടമില്ലായിരിക്കാം... അത് ഓരോരുത്തരുടെ പേർസണൽ ചോയ്സ്... എന്നാൽ വർഷത്തിൽ അഞ്ചോ ആറോ തവണ വരുന്ന വിരുന്നുക്കാരനാണോ? ദിവസേനെ വീട്ടിലും അടുക്കളയിലും പെരുമാറുന്ന വീട്ടുകാരുടെ ഇഷ്ടങ്ങൾ ആണോ വീട് വെയ്ക്കുമ്പോൾ പരിഗണിക്കേണ്ടത്? ഭൂരിഭാഗം സമയവും, ഒറ്റയ്ക്ക് അടുക്കളയിൽ പണിയുന്ന വീട്ടുകാരിയുടെ മാനസികആരോഗ്യം മാത്രം കണക്കിലെടുത്താൽ... ഇനിയുള്ള കാലം ഓപ്പൺ കിച്ചൻ എന്നത്, മലയാളികൾക്കു, കുടുംബബന്ധങ്ങളുടെ കേട്ടുറപ്പിനു ഒരു മുതൽകൂട്ടാവും എന്നതിന് യാതൊരു സംശയവും ഇല്ല. ഒരു വീട്ടുകാരിക്ക്... എപ്പോഴും അടുക്കളയിൽ പണിച്ചെയ്യുന്നതിനേക്കാൾ മടുപ്പു ഒറ്റപ്പെടുന്നു എന്ന തോന്നലാണ്... വീട്ടുകാരെ കണ്ടുകൊണ്ടും, അവരോടു സംസാരിച്ചു കൊണ്ടും ജോലി ചെയ്യുന്നത്, പണ്ടത്തെ അത്ര സമ്മർദ്ദം ഉണ്ടാക്കില്ല. (അതിനു ഞാൻ guarantee 😊) c