Skip to main content

Crying is bad - അല്ലെ അമ്മാ?

A small talk about emotional regulation with my 5yr old annieyamma 💕

കുറെ നാളായി ചുമയും ജലദോഷവും മാറാതെ നിന്നതിനാൽ ആനിക്കുട്ടിക്ക് ബ്ലഡ്‌ ടെസ്റ്റ്‌  ഉം xray യും പറഞ്ഞു ഡോക്ടർ...

ബ്ലഡ്‌ ടെസ്റ്റ്‌ ചെയ്യുന്നിടത്തെ കോലാഹലം ഒക്കെ കഴിഞ്ഞു, കരഞ്ഞു മൂക്ക് തിരുമി ഇരിക്കുന്ന ആനിയോട്, ഒന്ന് സമാധാനിപ്പിക്കാൻ വേണ്ടി ഞാൻ പറഞ്ഞു - "ആഹാ ആനിക്കുട്ടി brave ആണല്ലോ?... "

വലിയ പ്രസന്നത ഒന്നും ഇല്ലാതെ ആനിയമ്മ - "ഇല്ല അമ്മാ ... crying is bad; and I cried" പിന്നെ ആളൊന്നും മിണ്ടുന്നില്ല....

"പക്ഷെ ആനി ആ സിറ്റുവേഷൻ ഫേസ് ചെയ്തല്ലോ? അപ്പൊ ആനി brave അല്ലെ...?"

"No അമ്മാ ... crying bad ആണ്... And I cried..."

"ഇല്ല മോളെ crying എന്നാൽ, laughing, angry ഒക്കെ പോലെ ഉള്ള ഒരു emotion ആണ് അത് നമ്മുക്ക് express ചെയ്യാം...."

ആനിയമ്മ convinced അല്ല....🙄🙄🙄

"അമ്മയ്ക്ക് തലവേദന വരുമ്പോൾ അമ്മ കരയാറില്ലേ? അത് കൊണ്ട് അമ്മ brave അല്ലാണ്ട് ആവുമോ? നമ്മൾ ആ pain deal ചെയ്യുന്നില്ലേ? so we are brave...

ആനി ആണേലും ബ്ലഡ്‌ എടുത്തപ്പോൾ runaway ചെയ്തില്ലലോ... അത് ഡീൽ  ചെയ്തില്ലേ? that is great dear 😊...

പിന്നെ pain വരുമ്പോൾ, വിഷമം വരുമ്പോൾ ഒക്കെ ആളുകൾ കരയും... It's okay to cry... അതും നമ്മുടെ ഒരു emotion ആണ്... അതുകൊണ്ട്, Cry ചെയ്താൽ നമ്മൾ bad ആവത്തില്ല കേട്ടോ??? "

"Hmm....അമ്മയല്ലേ ഞാൻ സ്കൂളിൽ പോകാൻ നേരം കരഞ്ഞപ്പോൾ, കരയല്ലേ... എന്നു പറഞ്ഞത്?" - ഉടനടി വന്നു അവളുടെ cross question...

പണിപാളി ... എന്റെ ലെക്ചർ എല്ലാം വെള്ളത്തിൽ വരച്ച വര പോലെയായല്ലോ കർത്താവെ.... കുറെ നേരം എനിക്കും ഉത്തരം ഉണ്ടായില്ല... ശരിയാണ്.. ഇമോഷൻസ് ഒക്കെ എക്സ്പ്രസ്സ്‌ ചെയ്യണം എന്നു പറയുമ്പോഴും.... നമ്മൾ തന്നെ ചില ഇമോഷൻസിനു അയിത്തം കൽപിക്കാറുണ്ട്.... അതിൽ മെയിൻ ആണ് കരച്ചിൽ... അതുപോലെ ദേഷ്യം...

കുഞ്ഞുങ്ങൾ കരയുമ്പോൾ അവരെ കരയാൻ അനുവദിക്കണം..., അതിനു ശേഷം അവരെ സമാധാനിപ്പിക്കണം.....പോകെ പോകെ അത് റെഗുലേറ്റ് ചെയ്യാൻ അവർ പഠിക്കും എന്നതാണ് സത്യം... കരച്ചിൽ മാത്രമല്ല അതുപോലെ ഉള്ള മറ്റു പല ഇമോഷൻസും.... പക്ഷെ ഇതൊക്കെ പ്രാക്ടീസ് ചെയ്യിക്കാൻ ഇത്തിരി പാടാണ്... നമ്മുടെ സൊസൈറ്റിയിൽ പ്രേത്യേകിച്ചും....

അതെ... നമ്മുടെ term പിടികിട്ടി ഇമോഷണൽ റെഗുലേഷൻ... പക്ഷെ എങ്ങനെ പറഞ്ഞു ഫലിപ്പിക്കും ആനിയമ്മയോട്🙄?

വീട്ടിൽ എത്തിയിട്ട് ആനിയോട് ഒരു ശ്രമം കൂടി ഞാൻ നടത്തി....

"....ആനി, crying ഉം laughing ഉം ഒക്കെ good ആണ്, നമ്മുക്ക് എക്സ്പ്രസ്സ്‌ ചെയ്യാം... പക്ഷെ നമ്മൾ അത് എക്സ്പ്രസ്സ്‌ ചെയ്യുമ്പോൾ, നമ്മൾക്ക് അതിൽ ഒരു control ഉണ്ടാവണം... ചിലസമയത്തു...നമ്മുക്ക് ഹോൾഡ് ചെയ്യാൻ പറ്റുന്നുണ്ടേൽ അത് ഹോൾഡ് ചെയ്യണം.... നമ്മൾ അതിനു വേണ്ടി പ്രാക്ടീസ് ചെയ്യണം....

കാരണം സ്കൂൾ ഒരു പബ്ലിക് place അല്ലെ...? അവിടെ ബാക്കി ഫ്രണ്ട്സിനും, നമ്മുടെ ടീച്ചേഴ്സിനും ആനി കരയുമ്പോൾ, ആ സിറ്റുവേഷൻ അത് uncomfortable ആക്കുന്നുണ്ടേൽ... നമ്മൾ നമ്മുടെ emotion ഒന്ന് ഹോൾഡ് ചെയ്യുകയോ കണ്ട്രോൾ ചെയ്യുകയോ വേണം....

നമ്മുടെ ഇമോഷൻസ് എന്തായാലും... നമ്മളത് എക്സ്പ്രസ്സ്‌ ചെയ്യുമ്പോൾ.... നമ്മുടെ അടുത്തുള്ളവർക്ക് അത് discomfort ഓ  മറ്റോ ഉണ്ടാക്കുനുണ്ടേൽ നമ്മൾ അത് കണ്ട്രോൾ ചെയ്യണം...

മനസിലായോ ആനി...???"

ആനി കേട്ടു എങ്കിലും അത് പ്രോസസ്സ് ചെയ്തതായി തോന്നിയില്ല...അവൾ വേറെ എന്തോ ആലോചനയിൽ ആണ്....🤗🤗

ങ്ഹാ will try next time....

"... ഏഹ്ഹ് happiness എക്സ്പ്രസ്സ്‌ ചെയ്യുമ്പോൾ എങ്ങനെ ആണ് മറ്റുള്ളവർ uncomfortable ആവുന്നത് അമ്മാ....?" - ഇത്തവണ ചോദ്യം അന്നമ്മയുടേതാണ്

" hmm... നമ്മൾ ഒരു മത്സരത്തിൽ പങ്കെടുത്തു... അതിൽ നമുക്ക് ഫസ്റ്റ് കിട്ടി... നമ്മുടെ ഫ്രണ്ടിന് prize ഒന്നും കിട്ടിയില്ല... അല്ലേൽ പരീക്ഷക്ക്‌ നിന്റെ ഫ്രണ്ടിന്റെ മാർക്ക്‌ വളരെ കുറവാണു... നിനക്കു അത്യാവശ്യം മാർക്ക്‌ ഉണ്ട്... അപ്പോൾ നീ happy ആണേലും അവരുടെ മുൻപിൽ നീ നിന്റെ ഹാപ്പിനെസ്സ് എക്സ്പ്രസ്സ്‌ ചെയ്യുന്നത് or showoff കാണിക്കുന്നത്, അവരെ uncomfortable ആക്കില്ലേ... So നമ്മൾ അത് റെഗുലേറ്റ് ചെയ്യാൻ പഠിക്കണം... അവരുടെ മുൻപിൽ നീ വലിയ തോതിൽ അത് എക്സ്പ്രസ്സ്‌ ചെയ്യാതെ ഇരിക്കാൻ നോക്കണം...

അതാണ് ഞാൻ പറഞ്ഞത് മനസ്സിലായോ...?

"... Hmm..." എന്നു അന്ന... അവളും അത് പ്രോസസ്സ് ചെയ്യുവാണെന്നു തോന്നുന്നു....

ഏതാണ്ടൊക്കെ അവർക്കു മനസിലായി എന്നു തോന്നുന്നു... പക്ഷെ എനിക്ക് ഇപ്പോഴും എന്റെ ഇമോഷൻസ് റെഗുലേറ്റ് ചെയ്യാൻ അറിയുമോ എന്നു doubt ആണ്...

പഠിക്കേണ്ടിയിരിക്കുന്നു....🤗😂

ഇനി എന്തുകൊണ്ട് ഇമോഷണൽ റെഗുലേഷൻ അല്ലെങ്കിൽ സെൽഫ് റെഗുലേഷൻ important ആണ്, അത് കുഞ്ഞിലേ തന്നെ നമ്മൾ പഠിപ്പിക്കണം എന്നത്....?

....കരയുന്ന, ദേഷ്യപ്പെടുന്ന കുഞ്ഞുങ്ങളെ  നിർത്തു എന്നു പറയുന്നതും, അവരെ ഡിസ്ട്രാക്ട് ചെയ്യുന്നതും, ഫുഡ്‌ കൊടുത്തും മറ്റും settle ചെയ്യുന്നത് തെറ്റായ രീതിയാണ് എന്നു ഈ അടുത്താണ് ഞാനും മനസിലാക്കിയത്... അവരെ സ്വയം മനസിലാക്കാൻ ഉള്ള വഴി നമ്മൾ തന്നെ അടയ്ക്കുക വഴി.. ഭാവിയിലെ stress-eaters സിനെയോ അല്ലേൽ ഇമോഷണൽ പ്രശ്നങ്ങൾ ഡീൽ ചെയ്യാൻ അറിയാത്ത ഒരു ആളെ ആണ് നമ്മൾ വളർത്തി കൊണ്ട് വരുന്നത്.... അത് അയാൾക്ക്‌ തന്നെയും, സമൂഹത്തിനും നല്ലതല്ല.....

കാരണം.....

"സ്വന്തം വികാരങ്ങൾ തിരിച്ചറിയുകയും അവ നിയന്ത്രിക്കാൻ പഠിക്കുകയും ചെയ്യുന്നത് ഒരാൾക്ക് ഉണ്ടായിരിക്കാവുന്ന ഏറ്റവും പ്രധാനപ്പെട്ട കഴിവുകളിൽ ഒന്നാണ്.

വാസ്തവത്തിൽ, തങ്ങൾക്ക് എങ്ങനെ തോന്നുന്നുവെന്ന് ശ്രദ്ധിക്കാനും സ്വയം ശാന്തമാക്കാനും അല്ലെങ്കിൽ അവരുടെ പെരുമാറ്റം ക്രമീകരിക്കാനും കഴിയുന്ന ആളുകൾ ജീവിതത്തിൽ നന്നായി പ്രവർത്തിക്കാനും ആരോഗ്യകരമായ ബന്ധങ്ങൾ പുലർത്താനും ബുദ്ധിമുട്ടുകളും തിരിച്ചടികളും കൈകാര്യം ചെയ്യാനും സാധ്യതയുണ്ട്. "

- ഇതാണ് വളരെ ചുരുക്കത്തിൽ ഇതിനെ പറ്റി എനിക്ക് പറയാനുള്ളത്... ബാക്കിയുള്ളത് കണ്ടുപിടിക്കാൻ നിങ്ങളുടെ വിരൽത്തുമ്പിൽ തന്നെ ഉണ്ടല്ലോ വിപ്ലവം... ഉപയോഗിക്കുക... മനസിലാക്കുക... നിങ്ങൾക്കും... നിങ്ങളുടെ കുഞ്ഞുങ്ങൾക്കും... നല്ലൊരു തലമുറയ്ക്കും വേണ്ടി 💕

അപ്പോ കാണാം...
ദീപ ജോൺ
17-jul-2022

Extras: To effectively teach self-regulation, parents can adopt the following parenting approach:

1. be warm, accepting, and responsive to their child’s emotional needs
2. talk about emotions
3. accept, support, and show empathy to validate their negative feelings,
4. be patient
5. do not ignore, dismiss, discourage, punish or react negatively to their child’s emotions, especially negative ones

Extra Referred from: https://www.parentingforbrain.com/self-regulation-toddler-temper-tantrums/

Comments

Post a Comment

Popular posts from this blog

എന്റെ ഒരു ചിന്ന transformation story

എന്റെ ശരീരഭാരം, കഴിഞ്ഞ ഒരു ആറു വർഷ കാലമായി 95-98 kg ആണ്. ഷോപ്പിംഗ് മാളിലോ, പിക്നിക് നോ പോയാൽ അന്ന് വൈകിട്ടും പിന്നെയുള്ള രണ്ടു മൂന്നു ദിവസം ഞാൻ കിടപ്പായിരിക്കും, അത്രയ്ക്ക് ആരോഗ്യം ആണ്.... തലവേദന കൂടപ്പിറപ്പാണ്..., ഓർമ വെച്ച നാൾ മുതൽ crocin ഉം പാരസെറ്റമോൾ ഉം കഴിച്ചു തുടങ്ങിയതാ ഇപ്പോ അതിനൊന്നും effect ഇല്ല, മുട്ടായി കഴിക്കുന്ന പോലെ എന്നും കഴിക്കാം എന്ന് മാത്രം ... പത്താം ക്ലാസ്സ്‌ കഴിഞ്ഞപ്പോൾ അചാച്ചി എനിക്കൊരു ടുവീലർ വാങ്ങി തന്നു, പിന്നെ പാല് വാങ്ങാൻ പോകാനോ, അരി പൊടിപ്പിക്കാൻ പോകാനാണേൽ പോലും ഞാൻ അതിലെ പോകു... സ്റ്റെപ് മാക്സിമം ഒഴിവാക്കി, ലിഫ്റ്റ് നോക്കി നിന്ന് നിന്ന്,  മുട്ടൊന്നും അനക്കാൻ പറ്റാത്ത അവസ്ഥ ആയി.... അപ്പോ എന്റെ physical fitness നെ പറ്റി ഒരു ഏകദേശ ധാരണ മനസിലായല്ലോ... പിന്നെ ദേഹം മുഴുവൻ stiff ആയി, പണി കിട്ടുന്ന Fibromyalgia യും cervical spondylosis ഉം കൂടി diagnosis ചെയ്തു കിട്ടി ബോധിച്ചു കഴിഞ്ഞപ്പോൾ, എന്റെ mindset എനിക്കിനി ഒരിക്കലും ഒരു healthy state ഇലേക്ക് വരാൻ പറ്റില്ല എന്നതായിരുന്നു. പെട്ടെന്ന് ഒരു ആവേശത്തിന് dieting തുടങ്ങിയാലും ഏറിയാൽ 2-3ആഴ്ച, വീണ്ടും ഞാൻ പഴയ പടി ആകും.

ഹോട്ടൽ ആണെന്ന് കരുതി വീട്ടിൽ കയറിയ...

 കുറച്ചു ദിവസം മുൻപ് ഓപ്പൺ കിച്ചൻനെ പറ്റി  അഭിപ്രായം ചോദിച്ചു ഒരാൾ ഫേസ്ബുക്കിൽ പോസ്റ്റ്‌ ഇട്ടിരുന്നു.. അതിനു വന്ന മറുപടികൾ മിക്കതും.., ഗസ്റ്റിന് അടുക്കളയിലേ മണം അരോചകം ആവും, അത് കൊണ്ട്, പ്രത്യേകിച്ചും മലയാളികൾക്ക് ഓപ്പൺ കിച്ചൻ ശെരിയായ നടപടിയല്ല എന്നതാണ്... ശെരിയാണ്... ചിലർക്ക് ഓപ്പൺ കിച്ചൻ എന്ന കോൺസെപ്റ് ഇഷ്ടമില്ലായിരിക്കാം... അത് ഓരോരുത്തരുടെ പേർസണൽ ചോയ്സ്... എന്നാൽ വർഷത്തിൽ അഞ്ചോ ആറോ തവണ വരുന്ന വിരുന്നുക്കാരനാണോ? ദിവസേനെ വീട്ടിലും അടുക്കളയിലും പെരുമാറുന്ന വീട്ടുകാരുടെ ഇഷ്ടങ്ങൾ ആണോ വീട് വെയ്ക്കുമ്പോൾ പരിഗണിക്കേണ്ടത്? ഭൂരിഭാഗം സമയവും, ഒറ്റയ്ക്ക് അടുക്കളയിൽ പണിയുന്ന വീട്ടുകാരിയുടെ മാനസികആരോഗ്യം മാത്രം കണക്കിലെടുത്താൽ... ഇനിയുള്ള കാലം ഓപ്പൺ കിച്ചൻ എന്നത്, മലയാളികൾക്കു, കുടുംബബന്ധങ്ങളുടെ കേട്ടുറപ്പിനു ഒരു മുതൽകൂട്ടാവും എന്നതിന് യാതൊരു സംശയവും ഇല്ല. ഒരു വീട്ടുകാരിക്ക്... എപ്പോഴും അടുക്കളയിൽ പണിച്ചെയ്യുന്നതിനേക്കാൾ മടുപ്പു ഒറ്റപ്പെടുന്നു എന്ന തോന്നലാണ്... വീട്ടുകാരെ കണ്ടുകൊണ്ടും, അവരോടു സംസാരിച്ചു കൊണ്ടും ജോലി ചെയ്യുന്നത്, പണ്ടത്തെ അത്ര സമ്മർദ്ദം ഉണ്ടാക്കില്ല. (അതിനു ഞാൻ guarantee 😊) c

".... അപ്പോഴാ അതിന്റെ പുളി മനസിലായത് " ഒരു മെഴുകുതിരി നിർമാണ അപാരത...

 അങ്ങനെ ഇരുന്നപ്പോൾ ആണ്, എനിക്ക് candle മേക്കിങ് പഠിക്കണം എന്നൊരു ആഗ്രഹം.... എന്റെ അമ്മേടെ വാക്കുകളിൽ പറയുവാണേൽ - "തിന്നിട്ടു എല്ലിനിടയിൽ..... ഒന്നിലും ഉറച്ചു നിൽകത്തുമില്ല....." അമ്മ അങ്ങനെ പലതും പറയും... ഇന്ന് ഞാൻ മരിച്ചു പോയാൽ ഈ ആഗ്രഹങ്ങൾ ഒക്കെ സാധിക്കാതെ ആണല്ലോ പോയത് എന്നൊരു വിഷമം ഉണ്ടാവരുത്, യേത് ?....പെട്ടെന്ന് തന്നെ നമ്മുടെ ഗുരു- യൂട്യൂബിന്റെ ആഴങ്ങളിൽ മുങ്ങി തപ്പി... മലയാളത്തിലും, ഹിന്ദിയിലും, ഇംഗ്ലീഷിലും, എന്തിനു ഭാഷ അറിയാത്ത വീഡിയോകൾ വരെ കണ്ടു... ഇനി പ്രാക്ടിക്കൽസ്.... വീട്ടിലെ പാത്രങ്ങളും, പൊട്ടിയ മെഴുകുതിരിയും ഒക്കെ മതി ഒന്ന് experiement ചെയ്യാൻ, എന്നാലും അതല്ലലോ... എങ്ങനെ ആണിതിന്റെ കിടപ്പുവശം അറിയണമല്ലോ.... (അല്ല കുറച്ചു കാശു കൊണ്ട് കളഞ്ഞില്ലേൽ ഒരു സമാധാനവും ഇല്ല....) ചാലക്കകത്തു (i mean chala market), പണ്ട് തെണ്ടി തിരിഞ്ഞു നടന്നപ്പോൾ - സോപ്പ്, അകർബത്തി, candle മേക്കിങ്ങിന്റെ rawmaterials വിൽക്കുന്ന ഒരു wholesale ഷോപ്പ് കണ്ടുപിടിച്ചാരുന്നു... അവിടെ ഒന്ന് പോയി അന്വേഷിച്ചു.... 1000 രൂപയ്ക്ക് സംഭവങ്ങൾ ഒപ്പിച്ചു പോരാമെന്നു കരുതിയ ഞാൻ വണ്ടർ അടിച്ചു പോയി... "