ഒരു ഫാദർസ് ഡേ പ്രഹസനം

An Old Pic of Author with her Dad

കുറെ നാളായി എഴുതാനിരിക്കുമ്പോൾ ഒന്നും അങ്ങോട്ട്‌ പറ്റുന്നില്ല... (നമ്മുടെ നെടുമുടി വേണു സ്റ്റൈലിൽ പറ്റുന്നില്ലാ ഉണ്ണിയെ....)...എവിടെയോ എന്തോ ഒരു തകരാറു പോലെ...

മദർസ് ഡേ യുടെ അത്ര ഡെക്കറേഷൻ ഒന്നും ഇല്ലേലും, ഒരു ഫാദർസ് ഡേ കൂടി കഴിഞ്ഞു പോയി... എനിക്കീ വക 'ഡേയ്‌സ് ' ഒക്കെ അല്ലർജി ആണേലും...  ഒരു വിഷയം ആയല്ലോ എന്നു കരുതി എഴുതി തുടങ്ങിയതാ... അങ്ങനേലും  എഴുത്തിലേക്കു തിരിച്ചു കാലെടുത്തു വെയ്ക്കാം എന്നു കരുതി....പക്ഷെ അങ്ങോട്ട്‌ നീങ്ങിയില്ല ....

അതാ ഇപ്പോ ഫാദർസ് ഡേ കഴിഞ്ഞു.... എടുത്ത സെൽഫി ഒക്കെ സ്റ്റാറ്റസ് വിട്ടുകഴിഞ്ഞപ്പോൾ ഒന്ന് ഇറങ്ങിയേക്കാം എന്നു കരുതിയത്... (വെറൈറ്റി അല്ലെ?)... അല്ലേലും ഓണത്തിന് എല്ലാരും സെറ്റ് സാരീ ഉടുക്കുമ്പോൾ ഞാൻ കറുത്ത സാരീ ഉടുക്കും... കൂട്ടത്തിൽ വേറിട്ട്‌ നിൽക്കണമല്ലോ 

എന്റെ കുഞ്ഞിലേ ഒന്നും ഫാദർസ് ഡേ ഉണ്ടായിരുന്നോ എന്നു പോലും ഞാൻ ഓർക്കുന്നില്ല... ഇന്നലെ റേഡിയോയിൽ കേട്ടു... ഇപ്പോ ഫാദർസ് ഡേ പ്രമാണിച്ചു  സ്വർണകടയിൽ ഒക്കെ ഓഫർ ഉണ്ടെന്നു... അപ്പോൾ അക്ഷയതൃതിയ ഒക്കെ കളം വിട്ടോ...?  ഈ മാർക്കറ്റിംഗ് കാരുടെ ഓരോരോ വിദ്യകൾ... ഇനിയിപ്പോ ഒരു അഞ്ചു വർഷം കഴിയുമ്പോൾ എന്തൊക്കെ ഡേയ്‌സ് ആഘോഷിക്കേണ്ടി വരുമോ എന്തോ??  

മദർസ് ഡേയ്ക്ക് വാതോരാതെ ഒത്തിരി കാര്യങ്ങൾ ഒക്കെ എഴുതി കൂട്ടാം... എങ്ങനെ നിന്ന് പോസ് ചെയ്തു ഫോട്ടോ എടുക്കാനാണേലും അമ്മമാര് റെഡി ആയിരിക്കും....  പക്ഷെ വർഷത്തിൽ ഒരിക്കൽ ഉള്ള ഈ 'ഒലിപ്പീരു' പരുപാടിയുമായി അച്ഛന്മാരോട് കളിക്കാൻ ചെന്നാൽ എല്ലായിടത്തും ഒരേ റിസൾട്ട്‌ ആയിരിക്കില്ല... അതുകൊണ്ട് ഫേസ്ബുക്കിലും, വാട്സ്ആപ്പ് സ്റ്റാറ്റസിലും മദർസ് ഡേയ്ക്കുള്ള അത്ര ഒരു കൊഴുപ്പു, ഇന്നലെ കാണാൻ ഒത്തില്ല... ഫലത്തിൽ ശോകമായിരുന്നു....

എന്റെ അച്ചാച്ചിയുടെ കൂടെയുള്ള ഒരു ഫോട്ടോ കിട്ടണേ ഞാൻ പെടുന്ന പാട് എനിക്കറിയാം... അങ്ങനെ വല്ലപ്പോഴും എടുത്തു വെയ്ക്കുന്ന ഫോട്ടോ എടുത്താണ് ഞാൻ ഈ അവസരങ്ങളിൽ ഷോ ഓഫ്‌ ചെയ്യുന്നേ... ഫാദർസ് ഡേ ആയിട്ടു ഇന്നലെ ഒന്ന് ഫോണിൽ വിളിക്കുകയോ, നേരിട്ട് കണ്ടു വിഷ് ചെയ്യുകയോ ചെയ്തില്ല.... ഒരു വൈക്ലബ്യം.... അല്ലേൽ തന്നെ എന്തിനു??? ...വെറും പ്രഹസനം അല്ലെ സജി?? 

പിന്നെ സോഷ്യൽ മീഡിയയിലൂടെ ആകുമ്പോൾ നാലാളു അറിയുകയും ചെയ്യും.... എല്ലാരും എന്നെ പറ്റി നല്ലത് കരുതുകയും ചെയ്യും.. യേത്?....

പിന്നെ ഇത്രേം എഴുതിയ സ്ഥിതിക്ക് രണ്ടു വാക്ക് അചാച്ചിയെ പറ്റി പൊക്കി പറയണമല്ലോ...

അചാച്ചി എനിക്കൊന്നും പറഞ്ഞു തന്നിട്ടില്ല... ഒരു ഉപദേശങ്ങളും തന്നിട്ടില്ല....എനിക്ക് വേണ്ടതൊക്കെ ഞാൻ തന്നെ ചെയ്യണം... അതിനു ഡയറക്ഷൻസും സപ്പോർട്ടും മാത്രമേ തരു.... എന്താണ്, എവിടാണ് എന്നു വെച്ചാൽ, ഞാൻ തന്നെ പോയി അന്വേഷിച്ചു കണ്ടുപിടിച്ചു ചെയ്തോണം....കുഞ്ഞു ക്ലാസ്സ്‌ തൊട്ടു ഇത് തന്നെ... ഒന്നും ചെയ്തു തരാത്തത് കൊണ്ട് തന്നെ എന്റെ ലൈഫിന്റെ മിക്ക തീരുമാനങ്ങളും ഞാൻ തന്നെ എടുക്കും, എന്റെ ഭർത്താവിനെ കണ്ടു പിടിക്കുന്നതുൾപ്പടെ .....

കുഞ്ഞിലേ ഒക്കെ വലിയ സങ്കടമായിരുന്നു... കൂട്ടുകാർക്കൊക്കെ അച്ഛനും അമ്മയും കാണും എല്ലാത്തിനും... പക്ഷെ എനിക്ക് എന്ത് കാര്യത്തിനും ഞാൻ മാത്രം....തെറ്റുപറ്റിയാൽ അതിൽ നിന്ന് പഠിച്ചോണം...  സപ്പോർട്ട് മാത്രമേ അചാച്ചി തരൂ... പക്ഷെ എന്താണേലും കട്ടക്ക് നിൽക്കും... എന്ത് വേണം എന്നു പറഞ്ഞാലും നടപ്പാക്കി തരും....ക്യാഷ് വേണേലും കടം വാങ്ങിയാണേലും റെഡി ആക്കി തരും... അതിനൊന്നും ചോദ്യവും പറച്ചിലും ഒന്നും ഇല്ല....

സ്കൂളിൽ പഠിച്ചിരുന്ന എന്നതുകൊണ്ട്.. കുട്ടിയാണ്... അതുകൊണ്ട് അഭിപായങ്ങൾക്ക് വിലയില്ലാത്ത രീതിയിൽ ഒന്നുമല്ല ... ഒരു മുതിർന്ന ആളിന് കിട്ടുന്ന അതെ സ്ഥാനം എനിക്ക് അചാച്ചി തന്നിട്ടുണ്ട്...  അത് തന്നെ ആണ് ഞാൻ ഇൻഡിപെൻഡന്റ് ആവാൻ ഉള്ള മുഖ്യ കാരണം...

സ്പൂൺ ഫീഡിങ് ചെയ്തു വളർത്താത്തതിന് ഒരു വലിയ നന്ദി പറഞ്ഞു കൊണ്ട് ഞാൻ ഈ പൊക്കി പറച്ചിൽ ഇവിടെ നിർത്തുന്നു....

എന്നു അച്ചാച്ചിയുടെ സ്വന്തം,

കടിഞ്ഞൂൽപൊട്ടി 

അപ്പോ സുഹൃത്തുക്കളെ കാണാം....

ദീപ ജോൺ

20-ജൂൺ-2022