ദേ രാവിലെ ഫോൺ എടുത്തു കയ്യിൽ വെച്ചതും Happy Mother's Day മെസ്സേജസിന്റെ ഇന്റെ അയ്യര് കളിയാണ്... ഒരുവിധം എല്ലാർക്കും റിപ്ലൈ അയച്ചു... ശെരിക്കും എന്താണപ്പാ ഇതെന്ന് ആയി പോയി... ഒരു മെസ്സേജ് അയക്കൽ പ്രഹസനം അല്ലേ... mother's day, മാത്രമല്ല father's day, valentine's day അങ്ങനെ ഒത്തിരി കലാ പരിപാടികൾ ഉണ്ട്...
ശെരിക്കും ഇതിന്റെ ആവശ്യം എന്താണ് എന്ന് ചിന്തിച്ചിട്ടുണ്ടോ? അമ്മമാരേ ആദരിക്കുക അതാണ്... എന്റെ പൊന്നു മാതൃ സ്നേഹികളെ, ഇവിടെ ഈ മെസ്സേജ് എല്ലാർക്കും അയക്കുന്ന സമയം, അടുക്കളയിൽ ചെന്ന്, രണ്ടു പാത്രം കഴുകി കൊടുക്കാൻ പറ്റുമോ...?🙄
പോട്ടെ ഇന്ന് ഒരു ദിവസം, അമ്മ ചെയ്യുന്ന, വീടിന്റെ മൊത്തം ഉത്തരവാദിത്വം ഞാൻ ഏറ്റെടുത്തോളം എന്ന് ഏതേലും മക്കൾ പറയുവോ, പറഞ്ഞാൽ പിന്നെ ഈ ഒരു ഓര്മിപ്പിക്കൽ ഡേയുടെ ആവശ്യം ഒന്നും വരൂല... 🤭🤭🤭
ബര്ത്ഡേ ക്കും മറ്റും സാരിയും, ഡ്രെസ്സും എടുത്തു കൊടുക്കുന്നതിനും, കേക്ക് മുറിക്കുന്നതിനും പകരം.. ഇത്തിരി നേരം അമ്മേടെ കൂടേ പോയിരുന്നു കത്തി വെയ്ക്കാൻ ഒക്കുമോ?? അതെങ്ങനാ അമ്മയൊക്കെ ഓൾഡ് ജനറേഷൻ അല്ലേ? 😔
അവർ അവരുടെ ജീവിതവും സ്വപ്നങ്ങളും ഒക്കെ... കുഞ്ഞുങ്ങൾ വളരട്ടെ, അവരുടെ പഠിത്തം കഴിയട്ടെ , കല്യാണം കഴിയട്ടെ, എന്നൊക്കെ, ഓർത്തു മാറ്റി മാറ്റി വെച്ചു, നിങ്ങൾക്ക് വേണ്ടി ജീവിച്ചത് കൊണ്ട് അവര് ഓൾഡ് ജനറേഷൻ...🥺
ഞാൻ പറയും, അമ്മമാരുടെ അടുത്തും ഉണ്ട് തെറ്റ്... മക്കൾ, ഭർത്താവ് എന്നൊക്കെ പറഞ്ഞു സ്വന്തം കാര്യം മാറ്റി വെയ്ക്കുമ്പോൾ... കരി പിടിച്ച നെറ്റിയും, നരച്ച മുടിയുമായി നടക്കുന്ന നിങ്ങളെ ആരും മൈൻഡ് ചെയ്യില്ല ഹേ... 😏
ഇതിന്റെ ഇടയിലും നിങ്ങളുടെ സ്വപ്നങ്ങൾ, നിങ്ങളുടെ ആഗ്രഹങ്ങൾ എല്ലാം നടത്തിയെടുക്കാൻ കൂടി മിടുക്കു കാണിക്കുന്ന്... അല്ലാതെ എന്റെ കുഞ്ഞു ഞാനില്ലേ ഉറങ്ങില്ല , ഭര്ത്താവിന് ചോറ് എടുത്തു കൊടുത്താലേ താഴോട്ട്, ഇറങ്ങാത്തൊള്ളൂ... എന്നൊക്കെ പറഞ്ഞു 'ത്യാഗി' ലൈൻ എങ്കിൽ നിങ്ങളുടെ ഐഡന്റിറ്റി നിങ്ങൾ തന്നെ കളഞ്ഞു കുളിക്കുകയാണ്.... 🤐 പിന്നെ ഈ വീട്ടിൽ എനിക്ക് വിലയില്ലേ എന്ന് പരിതപിച്ചിട്ടു കാര്യം ഇല്ല....
അവരും നിങ്ങളെ പോലെ കയ്യും കാലും ഒക്കെ ഉള്ളവർ അല്ലേ... തനിയെ കാര്യങ്ങൾ നടത്തി ജീവിക്കാൻ അവരും പഠിക്കട്ടെ... നിങ്ങൾ വെറുതെ സ്പൂൺ ഫീഡ് ചെയ്തു അവരെ വഷളാക്കാതെ... ഭാവിയിൽ അതു നിങ്ങൾക്ക് തന്നെ പാര ആകും....
ഒന്ന് hospitized ആവണം, രണ്ടു ദിവസം വീട്ടിൽ നിന്നു മാറിനിൽക്കണം എങ്കിൽ.. അയ്യോ പറ്റത്തില്ല.. വീട്ടിലെ കാര്യം ഒക്കെ താറുമാറാകും എന്നൊക്കെ പറഞ്ഞു, നിങ്ങളുടെ 'അത്യാവശ്യങ്ങൾ ' പലതും മാറ്റി വയ്‌ക്കേണ്ടി വരും.... 😒
നിങ്ങൾ അമ്മമാർക്കൊരു വിചാരം ഉണ്ട്, നിങ്ങൾ ഇല്ലേ വീട്ടിലെ കാര്യങ്ങൾ, മക്കൾ, ഭർത്താവ് ഒക്കെ അങ്ങ് വിഷമിച്ചു പോകും, അവരുടെ ജീവിതം സ്റ്റോപ്പ്‌ ആകും എന്ന്... വെറുതെയാണ്... ഇന്ന് നിങ്ങളുടെ ശവമടക്ക് ആണെന്ന് കരുതുക... തിരികെ വീട്ടിൽ എത്തിയാൽ, അവർ എത്ര എന്ന് പറഞ്ഞു ഹോട്ടൽ ഫുഡ്‌ കഴിക്കും... 🤑 അടുക്കളയിൽ കേറുക തന്നെ ചെയ്യും, അല്ലേൽ അതിനുള്ള ഏർപ്പാട് ചെയ്യും... അല്ലാതെ നിങ്ങൾ പോയി, അതുകൊണ്ട് അവരുടെ കഞ്ഞി കുടി മുട്ടി എന്നൊന്നും അഹങ്കരിച്ചേക്കല്ലേ 🤨...
കൂടി വന്നാൽ ഒന്നോ രണ്ടോ ആയ്ച ഒന്ന് കരഞ്ഞും പിടിച്ചും ഇരിക്കും.. (മൊബൈലും, യൂട്യൂബ്ഉം ഒക്കെ ഉള്ളത് കൊണ്ട് രണ്ടാഴ്ച ഒക്കെ ഇത്തിരി കൂടുതൽ ആണ്😜 ) കുഞ്ഞി പിള്ളേർ ആണേൽ ഇത്തിരി പാടായിരിക്കും, എന്നാലും ജീവിക്കും, അല്ലാതെ വഴി ഒന്നും ഇല്ലലോ....
പിന്നെ വർഷാവർഷം ആണ്ടു ആഘോഷം ആയി നടത്തുമായിരിക്കും... പിന്നെ ഒരു അടിപൊളി പട്ടുസാരി ഒക്കെ ഉടുത്ത ഒരു ഫോട്ടോ, ഏതേലും ഗ്രൂപ്പ്‌ ഫോട്ടോയിൽ നിന്നു ഫോട്ടോഷോപ്പ് ചെയ്തു മാറ്റിയത്... (തനിയെ ഉള്ള ഏതേലും ഫോട്ടോ ഉണ്ടോ, ഒന്ന് ഓർത്തു നോക്കിയേ?? ) ഫ്രെയിം ഒക്കെ ചെയ്തു ഭിത്തിയിൽ ഇരിക്കും അത്രേയുള്ളൂ... തീർന്നു... ശുഭം 🤫
അപ്പോ പറഞ്ഞു വന്നത്... പറ്റുമെങ്കിൽ ഇനി തൊട്ട്, വഴിയേ പോകുന്ന പ്രാരാബ്ദം ഒക്കെ വലിച്ചു തലയിൽ കയറ്റാതെ.... കുറച്ചൊക്കെ ഡെലിഗേഷന് ചെയ്യാൻ പഠിക്കു... 😎അടുക്കളയിൽ ഉം, വീട്ടിലും ഒക്കെ ഉള്ള ജോലികൾ മറ്റു കുടുംബാംഗങ്ങളെ കൊണ്ട് ചെയ്യിപ്പിക്കാൻ പഠിക്കു.. ഒരു 'Me time' ഇന്നുള്ള വകുപ്പ് ഒക്കെ ഉണ്ടാക്കി എടുക്കു....
അവർ ചെയ്തില്ലേ അവിടെ കിടക്കട്ടെ എന്ന്.... അല്ല പിന്നെ... ഇടാൻ തുണിയൊന്നും കണ്ടില്ലേ അവർക്കു അറിയാം, അത് വാഷിംഗ്‌ മെഷീൻ ഇൽ ഇട്ടു കറക്കാനും, ഉണക്കാനും ... ഒരു ദിവസം അമ്മേ വിശക്കുന്നു എന്ന് പറയുമ്പോൾ, പോയി മാഗ്ഗിയോ വെല്ലോം തനിയെ ഉണ്ടാക്കി കഴിക്കാൻ പറയു... അവരും പഠിക്കട്ടെ ബാലപാഠങ്ങൾ... ഇത്തിരി കൈയൊക്കെ പൊള്ളും അത്രേയുള്ളൂ...🤗🤪😜
അല്ലാതെ മറ്റേ airhostess മാര് bell അടിച്ചാൽ ഓടിവരുന്ന പോലെ, ഓരോന്നു ചെയ്തു കൊടുത്തു... വെറുതെ സ്പൂൺ ഫീഡ് ചെയ്തു അവരെ നശിപ്പിക്കരുത്.... 🤨
അപ്പോൾ പറഞ്ഞ പോലെ ഈ പ്രഹസനം എനിക്ക് അത്രയ്ക്ക് ഇഷ്ടപ്പെടുന്നില്ല.... അതുകൊണ്ട് അമ്മയും, അമ്മായിയമ്മയും ഭാര്യയും, സർവോപരി മിടുക്കിയുമായ നിങ്ങൾക്ക് ശുഭ ദിനം ആശംസിച്ചു കൊണ്ട്...
ദീപ ജോൺ
May 10, 2020
Comments
Post a Comment